آخری تشہد میں مسنون دعاء
O آخری تشہد میں عام طور پر [رب اجلعنی مقیم الصلوٰة ] پڑھا جاتا ہے‘ کیا یہ دعا پڑھنا مسنون عمل ہے؟ کتاب وسنت کا
حوالہ ضرور دیں۔
Pجب کوئی نمازی آخری تشہد میں بیٹھا ہو تو التحیات اور درود
پڑھنے کے بعد حسب منشا کوئی بھی دعا پڑھ سکتا ہے اگرچہ حضرت ابوبکرt اور
حضرت علیt سے
کچھ دعائیں مروی ہیں جو رسول اللہe پڑھتے تھے اور پڑھنے کی تلقین کرتے تھے تاہم رسول اللہe سے
مروی ایک حدیث کے پیش نظر کوئی بھی پسندیدہ دعا پڑھی جا سکتی ہے، چنانچہ حضرت عبداللہ
بن مسعودt سے
مروی ہے کہ رسول اللہe نے
فرمایا: ’’تشہد اور درود کے بعد نمازی کو دعا کا انتخاب کرنا چاہیے جو اسے سب سے زیادہ
اچھی معلوم ہو۔‘‘ (صحیح بخاری، الاذان: ۸۳۱)
اس حدیث سے معلوم ہوا کہ ’’رب اجعلنی مقیم الصلوٰۃ‘‘ اور ’’ربنا
آتنا فی الدنیا حسنۃ‘‘ اور اس طرح کی دیگر قرآنی دعائیں تشہد کے بعد پڑھی جا سکتی
ہیں اور یہ جائز ہیں، اگرچہ مسنون نہیں ہیں۔ (واللہ اعلم)
ھفت روزہ اھل حدیث مرکزی جمعیت اھل حدیث پاکستان کا ترجمان رسالہ ھے، جس میں آپ کی دلچسپی کے لیے فضیلۃ الشیخ حافظ عبدالستار الحماد کے انتہائی تحقیقی احکام ومسائل، حرمین شریفین کے خطبات کا اردو ترجمہ، بے لاگ اداریے اور تحقیقی ومعلوماتی مضامین ہیں۔ علاوہ ازیں جماعتی مرکزی قیادت کی ایکٹویٹیز اور بیانات کو بھی شامل ھیں۔
No comments:
Post a Comment